«Ուրբան Լոջիստիք Սերվիսիս» ընկերության ներկայացուցիչները՝ հիմնադիր տնօրեն Վահե Պետրոսյանի գլխավորությամբ, մասնակցեցին լայնամասշտաբ հայկական ներդրումային համաժողովին, որը տեղի ունեցավ հոկտեմբերի 10-11-ը Նյու Յորքում՝ ՀՀ նախագահ Սերժ Սարգսյանի հովանավորության ներքո և Համաշխարհային բանկի, Ասիական զարգացման բանկի բարձրաստիճան պաշտոնյաներն, ինչպես նաև ֆինանսական ու ներդրումային կազմակերպությունների ղեկավարների մասնակցությամբ:
«Հայաստան ներդրումային համա- ժողով»-ի շրջանակներում տարբեր ֆինանսական հաստատությունների ներկայացուցիչներին և ներդրողներին ներկայացվեցին Հայաստանի տնտե- սության 8 առաջնային ոլորտներն ու դրանց աջակցմանն ուղղված պետական ծրագրերը, այդ թվում` արեգակնային էներգիայի, երկաթգը- ծային բեռնափոխադրումների, Հյուսիս-Հարավ մայրուղու կառուցման, գյուղատնտեսության զարգացման ծրագրերի, ինչպես նաև բարձր տեխնո- լոգիաների զարգացման հեռանկարները:
«Ուրբան Լոջիստիք Սերվիսիս» ընկերության ղեկավարությունն ակտիվ մասնակցություն ունեցավ քննարկումներին, մասնավորապես նոր տրանզիտային ճանապարհների և լոգիստիկ ենթակառուցվածքների զարգացման ծրագրերի շուրջ: «Լոգիստիկա և հաղորդակցման ուղիներ» բաժնի փորձագիտական խմբի անդամ հանդիսացող ՈւԼՍ գործադիր տնօրեն Ռոբ դեն Օտտերը հնարավորություն ստացավ իր գործընկերների հետ միասին քննարկել ներքին Տրանսպորտի ու կապի զարգացման հետ կապված խնդիրները:
Հատուկ ուշադրության արժանացան ենթակառուցվածքների ընթացիկ վիճակի, ուժեղ կողմերի զարգացման հնարավորության, «բաց երկնքի» քաղաքականության արդյունքում ստացած նոր հնարավորությունների, միջպետական ճանապարհների վերա- կառուցման, ինչպես նաև Պարսից ծոցի երկրների հետ ռազմավարական նշանակություն ունեցող երկաթուղային գծերի կառուցման վերաբերյալ հարցերը:
Անկախ Հայաստանի պատմության մեջ ամենամեծը դարձած համաժողովի կազմակերպիչներն են Հայաստանի կառավարությունն ու Ասիական զարգացման բանկը: Միջոցառմանը ներկա էին այնպիսի առաջատար ընկերությունների ներկայացուցիչներ, ինչպիսիք են՝ Hyatt Hotels, ABBYY, Reddit, PicsArt և այլն:
Urban Logistic Services (ULS) ընկերությունը Հայաստանում առաջին և միակ լոգիստիկ օպերատորն է, որը ներկայացնում է լոգիստիկ ծառայությունների ամբողջական համալիր՝ 3PL ձևաչափով (Third Party Logistics): Urban Logistic Services պահեստային համալիրը (ընդհանուր մակերեսը՝ շուրջ 7 հա) բաղկացած է 45000 պալետատեղ հզորությամբ կենտրոնական պահեստից, 10000 քմ ընդհանուր մակերեսով մաքսային տերմինալից, 5000 քմ ընդհանուր մակերեսով վարձով տրվող թվով 15 պահեստային տարածքներից, 4500 խմ տարողությամբ թվով 9 սառնարանային պահեստներից և 1200 քմ մակերեսով գրասենյակային տարածքից: ULS ընկերությունն արդեն սպասարկում է հայկական և միջազգային ավելին քան 150 ընկերությունների՝ հետևյալ ծառայությունների շրջանակներում՝ cross-docking (հավաքական բեռներ), բեռների պահատվություն, պահեստային մշակման բոլոր տեսակներ, փաթեթավորում, առաքում հասցեներով և այլն: