Հաճախ ապրանքների ու պատվերների հետ աշխատանքի ընթացքում առաջանում է հավելյալ գործընթացների կարիք (հաճախորդների պահանջներ, օրենսդրություն և այլն), ինչպես նաև հատուկ մասնագետներ ունենալու կամ վարձելու, հատուկ սարքավորումների համար ներդրումներ կատարելու անհրաժեշտություն, ինչը սակայն, միշտ չէ, որ շահավետ է կամ անհրաժեշտ որակ և արագություն է երաշխավորում: Այստեղ մասնագիտացված լոգիստիկ օպերատորները կարող են մեծապես օգտակար լինել։
ULS լոգիստիկ կենտրոնն առաջարկում է արտադրանքի նախավաճառքային մշակման և նախապատրաստման ծառայությունը: Մեր համալիրի կենտրոնական պահեստում սարքավորված է հատուկ արտադրական գոտի, որտեղ մասնագիտացված աշխատակազմն իրականացնում է արտադրանքի օպերատիվ մշակման համար անհրաժեշտ բոլոր գործողությունները:
ULS լոգիստիկ կենտրոնի կողմից արտադրանքի նախավաճառքային մշակման ծառայությունը ներառում է.
- Վերադարձվող ապրանքի մշակում (ընդունում, տեսակավորում, վերափաթեթավորում, նոր միավորների պատրաստում),
- Նվերների/ակցիաների փաթեթավորման, հավաքածուների ու միավորների ստեղծում,
- Արտադրանքի բաղադրությամբ/նկարագրությամբ պիտակների ստեղծում, տպում և փակցնում,
- Ապրանքի մասին տեղեկության թարգմանություն (ցանկացած լեզվով), պիտակի ստեղծում (անհրաժեշտ չափսի) և արտադրանքի յուրաքանչյուր միավորի վրա դրանց փակցնում,
- Ալկոհոլային և այլ ապրանքների վրա ակցիզային դրոշմանիշերի փակցնում (ներմուծման/արտահանման ժամանակ),
- Ներմուծվող արտադրանքի վրա ակցիզային (լիցենզավորման) հայկական պիտակների փակցնում,
- Պալլետների ձևավորում քաշի վերահսկողություն (ընդունման և բարձման ժամանակ),
- Պալլետների ավտոմատացված փաթեթավորում պոլիէթիլենային թաղանթով,
- Արտադրանքի չափսերի ու քաշի ճշտում (ապրանքի քարտային տվյալների ստեղծում),
- Արտադրանքի մշակման հետ կապված բոլոր ծառայությունները կարող են մատուցվել ինչպես համալիր սպասարկման շրջանակներում, այնպես էլ՝ որպես առանձին ծառայություն: