Երևանում «Ուրբան Լոջիստիք Սերվիսիս» (ՈւԼՍ) լոգիստի կհամալիրի տարածքում 2016 թ. հուլիսի 7-ին տեղի ունեցավ ընկերության բացման առաջին տարեդարձին նվիրված տոնական միջոցառումը՝ ընկերության աշխատակիցների, գործընկերների և օտարերկրյա հյուրերի մասնակցությամբ:
Ողջույնի խոսքում ՈւԼՍ ընկերության հիմնադիր տնօրեն Վահե Պետրոսյանը հյուրերի հետ կիսվեց անցած ուղու վերաբերյալ իր տպավորություններով, ամփոփեց մեկ տարվա ձեռքբերումները, ինչպես նաև ընդգծեց ընկերության առաջ դրված նոր նպատակներն ու խնդիրները:
Միջոցառման պաշտոնական մասից հետո հյուրերը հնարավորություն ստացան տոնական տորթի շուրջ շնորհավորել ընկերության ղեկա- վարությանն ու աշխատակիցներին` քննարկելով կարճաժամկետ ու երկարաժամկետ համագործակցության ծրագրերն ու հեռանկարները:
Urban Logistic Services-ն ամբողջ Կովկասում համաշխարհային կարգի առաջին և միակ լոգիստիկ օպերատորն է, որը ներկայացնում է լոգիստիկ ծառայությունների ամբողջական համալիր՝ 3PL ձևաչափով (Third Party Logistics), ինչի շնորհիվ հայկական արտադրական և առևտրային կազմակերպությունները, ներմուծողներն ու արտահանողները, ինչպես նաև շուկայի այլ մասնակիցներ հնարավորություն ունեն աշխատելու միջազգային չափանիշներին համապատասխան:
«Ուրբան Լոջիստիք Սերվիսիս» լոգիստիկ համալիրի բացման պաշտոնական արարողությունը տեղի ունեցավ 2015 թ. հուլիսի 7-ին՝ ՀՀ նախագահ Սերժ Սարգսյանի, ՀՀ Էկոնոմիկայի նախարար Կարեն Ճշմարիտյանի, ինչպես նաև բարձրաստիճան այրերի, հայաստանյան և արտասահմանյան բիզնես-էլիտայի ներկայացուցչիների և ավելի քան 500 հյուրերի մասնակցությամբ:
ՈւԼՍ 3PL օպերատորի հիմնադրման աշխատանքները սկսվեցին 2013 թ. վերջին: Միջազգային թիմի մասնակցությամբ ակտիվ շինարարական աշխատանքների արդյունքում 2015 թ. արդեն սկզբին տրվեց Urban Logistic Services ընկերության՝ Կովկասում առաջին և միակ, լիարժեք ենթակառուց- վածքներով համալրված, ժամանակակից A դասի պահեստային համալիրի աշխատանքների մեկնարկը:
Urban Logistic Services պահեստային համալիրը (ընդհանուր մակերեսը՝ շուրջ 7 հա) բաղկացած է 45000 պալետատեղ հզորությամբ կենտրոնական պահեստից, 10000 քմ ընդհանուր մակերեսով մաքսային տերմինալից, 5000 քմ ընդհանուր մակերեսով վարձով տրվող թվով 15 պահեստային տարածքներից, 4500 խմ տարողությամբ թվով 9 սառնարանային պահեստներից և 1200 քմ մակերեսով գրասենյակային տարածքից: Այսօրվա դրությամբ ընկերությունն արդեն սպասարկում է հայկական և միջազգային ավելի քան 150 ընկերությունների՝ հետևյալ ծառայությունների շրջանակներում՝ cross-docking (հավաքական բեռներ), բեռների պահատվություն, պահեստային մշակման բոլոր տեսակներ, փաթեթավորում, առաքում հասցեներով և այլն:
Միջոցառման լուսանկարները կարող եք գտնել հետևյալ ֆոտոալբոմում: