ՀՀ, Երևան, 0043,
Արարատյան 62/23
+374 60 70 60 60
info@uls.am
04.12.2015
ՈւԼՍ ընկերությունը պայմանագիր ստորագրեց լոգիստիկայի համար ՏՏ լուծումներ առաջարկող եվրոպական առաջատար Generix Group ընկերության հետ


Urban Logistic Services (ULS) ընկերությունը պաշտոնապես համագործակցության պայմանագիր ստորագրեց ֆրանսիական Generix Group ընկերության հետ, որը Եվրոպայում լոգիստիկ ոլորտում առևտրային ցանցերի, լոգիստիկ օպերատորների և սննդի արտադրողների համար ՏՏ համակարգերի մշակման և ներդրման առաջատարն է:


Հայաստանում միակ լոգիստիկ օպերատորը հանդիսացող ULS ընկերությունը համագործակցության շրջանակների նախնական փուլում ներդնելու է պահեստային կենտրոնի համար նախատեսված ծրագրային ապահովման համալիր լուծումներ՝ գործարկելով պահեստի ղեկավարման ժամանակակից GCS WMS (Generix Collaborative Supply Chain Warehouse Management System) համակարգը:


GCS WMS համակարգի ներդրումը Ընկերությանը թույլ կտա միջազգային չափանիշներին համապատասխան բարձրակարգ սպասարկում ապահովել իր գործընկերների համար՝ շնորհիվ պահեստային բոլոր գործընթացների ավտոմատացման ու օպտիմալացման: Հայաստանում և Կովկասում նմանատիպը չունեցող վերոհիշյալ ծրագրային լուծումները կօգնեն արդյունավետ իրականացնել պահեստային համալիրում ապրանքային հոսքերի մշակումն ու մաքսիմալ թափանցիկություն ապահովել բոլոր տիպի բեռների և հաճախորդների հետ աշխատանքում: Բոլոր ապրանքների, ապրանքային խմբերի ու դրանց պահպանման տեղի իդենտիֆիկացման, ինչպես նաև բոլոր գործողություններին օնլայն ռեժիմով հետևելու հնարավորության շնորհիվ ULS ընկերության մասնագետները և օպերատորներն այսուհետ կարող են օպերատիվ կերպով ու առավելագույն արդյունավետությամբ ղեկավարել հաճախորդների պատվերների կատարումը:

Պայմանագրի պաշտոնական ստորագրման արարողությանը մասնակցեցին Generix Group ընկերության նախագահ Ժան-Շարլ Դեկոննինկը և ՌԴ-ում ընկերության գործընկեր Accesntis կազմակերպության հիմնադիր ու կառավարող գործընկեր Ժիսլան Վատելոն, Urban Logistic Services ընկերության հիմնադիր տնօրեն Վահե Պետրոսյանը, ինչպես նաև՝ ULS ընկերության մի շարք գործընկերներ և հաճախորդներ:

Ֆրանսիական առաջատար ընկերության հետ համագործակցությունը ULS ընկերությանը թույլ է տալիս շարունակել իր մշտական զարգացման մարտավարությունը՝ հերթական կարևոր քայլը կատարելով Հայաստանում նոր լոգիստիկ չափանիշների ներդրման ուղղությամբ:

 
«Urban Logistic Services և Generix Group ընկերությունների միջև համագործակցությունը մեծ կարևորություն ունի մեր երկրի համար: Մենք երկարաժամկետ համագործակցության նպատակ ենք հետապնդում, որը կնպաստի Հայաստանում գործող կազմակերպությունների գործունեության արդյունավետության բարձրացմանը, ինչպես նաև՝ միջազգային տնտեսությանը հայկական տնտեսվարող սուբյեկտների ինտեգրմանը: Հատկապես հաճելի ու կարևոր է այն փաստը, որ մեզ հաջողվեց գործընկեր գտնել հենց Ֆրանսիայում, ինչը հավելյալ հաճելի «համ» է հաղորդում այս իրադարձությանը, քանի որ դրանով մենք կարողացանք մեր փոքրիկ ներդրումն ունենալ Հայաստանի ու Ֆրանսիայի մշակութային, տնտեսական ու սոցիալական ինտեգրման գործընթացին»,-
 
ողջունելով բոլոր հյուրերին` նշեց «Ուրբան Լոջիստիք Սերվիսիս» ընկերության հիմնադիր տնօրեն Վահե Պետրոսյանը:


1990 թվականին հիմնադրված «Ջեներիքս Գրուպ» ընկերությունը գործունեություն է ծավալում աշխարհի շուրջ 30 երկրներում` ղեկավարելով 5 մասնաճյուղերն ու 16 երկրներում տեղակայված գործընկերների ցանցը: «Ուրբան Լոջիստիք Սերվիսիս» ընկերության հետ պայմանգիր կնքելով ընկերությունն ընդլայնեց իր ծառայությունների մատուցման աշխարհագրությունը՝ դուրս գալով իր համար հայաստանյան և կովկասյան նոր շուկա:

 
Իր ելույթի խոսքում Generix Group ընկերության նախագահ Ժան-Շարլ Դեկոննինկը նշեց.
 
«Urban Logistic Services ընկերության հետ մեր համագործակցությունն ավելին է, քան պարզապես պայմանագրի ստորագրումը. այն երկարատև գործընկերության սկիզբն է: Երկու կողմերը համակարծիք են, որ լոգիստիկան տնտեսության արյունատար համակարգն է: Նոր ժամանակակից լուծումների ներդրմամբ և համատեղ ջանքերով մենք կնպաստենք կազմակերպությունների բիզնես-գործընթացների ու հաճախորդների սպասարկման որակի բարձրացմանը: Եվ որպես արդյունք՝ մենք նպատակ ունենք նպաստել Հայաստանի տնտեսության ու բիզնես միջավայրի զարգացմանը»:
 
“«Աշխարհում բազմաթիվ ընկերություններ լոգիստիկայի ոլորտի համար ՏՏ-լուծումներ են առաջարկում, սակայն ուրախ ենք, որ մեզ հաջողվեց պայմանգիր կնքել այս ոլորտի առաջատարի հետ, որը նորարարական լուծումներ է զարգացնում և լոգիստիկայի ժամանակակից չափանիշներ մշակում՝ համապատասխան 21-րդ դարի մարտահրավերներին: Այս միջոցառման արդյունքը կլինի, այդ թվում, ապագայի լոգիստիկ չափանիշների ներդրումը Հայաստանում»,-
 
ավելացրեց ULS նախագծի ղեկավար Ստանիսլավ Զինչենկոն:
Տեղեկություն

Generix Group (Ջեներիքս Գրուպ) ֆրանսիական ընկերությունը մասնագիտացված է առևտրային ցանցերի, դիստրիբյուտորների, 3PL օպերատորների (լոգիստիկ ծառայություններ մատուցող ընկերություններ) և այլ ոլորտներում գործող ընկերությունների համար ծրագրային համակարգերի մշակման գործում և համալրում է աշխարհում ՏՏ լուծումներ վաճառող առաջատար ընկերությունների շարքը: Generix Group ընկերության ծրագրային ապահովման լուծումներից օգտվում են աշխարհում իրենց ոլորտում առաջատար այնպիսի կազմակերպություններ, ինչպիսիք են՝ Coca Cola, Nestle, Pernod Ricard, Ferrero, Danone արտադրական ընկերությունները, DHL, FM Logistic լոգիստիկ ու տրանսպորտային օպերատորները, Carrefour, Auchan (Աշան) առևտրային ցանցերն ու բազմաթիվ այլ ընկերություններ:

Urban Logistic Services (ULS) ընկերությունը Հայաստանում առաջին և միակ լոգիստիկ օպերատորն է, որը ներկայացնում է լոգիստիկ ծառայությունների ամբողջական համալիր՝ 3PL ձևաչափով (Third Party Logistics): ULS պահեստային համալիրը (ընդհանուր մակերեսը՝ շուրջ 7 հա) բաղկացած է 45000 պալետատեղ հզորությամբ կենտրոնական պահեստից, 10000 քմ ընդհանուր մակերեսով մաքսային տերմինալից, 5000 քմ ընդհանուր մակերեսով վարձով տրվող թվով 15 պահեստային տարածքներից, 4500 խմ տարողությամբ թվով 9 սառնարանային պահեստներից և 1200 քմ մակերեսով գրասենյակային տարածքից: ULS ընկերությունն արդեն սպասարկում է ավելին քան 150 հայկական և միջազգային ընկերությունների՝ հետևյալ ծառայությունների շրջանակներում՝ cross-docking (հավաքական բեռներ), բեռների պահատվություն, պահեստային մշակման բոլոր տեսակներ, փաթեթավորում, առաքում հասցեներով և այլն:

Միջոցառման լուսանկարները կարող եք գտնել հետևյալ ֆոտոալբոմում:

Լոգիստիկ կենտրոն
ՀՀ, Երևան, 0043,Արարատյան 62/23
Գլխամաս
ՀՀ, Երևան, 0019, Պռոշյան 2/1, 18 շենք
+374 60 70 60 60
info@uls.am
ՓՈԽԱՐԺԵՔ
Երեքշաբթի, 23 ՀՈՒՆՎԱՐԻ
1 USD 0 AMD
1 EUR 0 AMD
1 RUB 0 AMD
°C
ԵՐԵՎԱՆ
05:59
Երեքշաբթի, 23 ՀՈՒՆՎԱՐԻ
ՑԵՐԵԿ ԳԻՇԵՐ